Islam timi cu biaknak min a si i, zabu 7 (AD 570—632) ah Muhamad nih a rak thokmi a si.
An cathiang cu Quran a si i, vancung mi Gabriel hmang in Allah nih Muhammad sinah a pekmi a si tiah an zumh. Muslim nih Quran hi an cathiang ah an ruah i an zulhmi a si. Muslim biaknak aa tlaihmi paoh kha Islam tiah auh an si. An zumhnak ah a biapi tukmi thil panga an um i, Five Pillars' tiah an auh.
An cathiang cu Quran a si i, vancung mi Gabriel hmang in Allah nih Muhammad sinah a pekmi a si tiah an zumh. Muslim nih Quran hi an cathiang ah an ruah i an zulhmi a si. Muslim biaknak aa tlaihmi paoh kha Islam tiah auh an si. An zumhnak ah a biapi tukmi thil panga an um i, Five Pillars' tiah an auh.
Zabu 7 ah Muhammad nih Islamic biaknak a rak dirhning cu hitihin a si. Ka sinah vancung mi Gabriel a rak lang i Allah (Pathian) bia a rak ka pek a ti. Vancung mi Gabriel nih a chimmi vialte kha Muhammad nih a tial dih hna i Quran cauk hi a si. Islam sullam cu 'toidor' ti a si i, Muslim sullam cu 'Allah ah toi aa dormi' ti a si.
Islam Doctrine
Muslim nih zumhnak tlaihtleng panga an ngei
1) Muslim nih Allah lawnglawng hi kan Pathian a si, sertu a si i, zeizong vialte cungah nawlngeitu a si an ti.
2) Vancung mi an zumh
3) Prophet an zumh. Bible prophet zong an zumh hna i Muhammad hi a donghnak Allah prophet a si an ti
4) Allah biaphuan an zumh: Muslim nih Bible cauk zeimawzat Torah (Genesis - Deuteronomy) le Gospel tbk cu an zumh; Quran lawng hi Pathian bia tling a si an ti.
5) Thawhthannak a um lai i, biaceihnak a um lai: cheukhat nih zungzal nunnak an co lai; cheukhat cu zungzal hell ah an tla lai.
6) Pathian nih zeizzong vialte hi a rak khaukhih dih cang. Zei bantuk thil cang paoh hi Pathian khuakhannak le duhnak lawng te an si tiah an zumh.
Islam Zumhnak Tung Panga (Five Pillars)
1) Allah dah ti lo cu Pathian dang a um lo. Muhammad hi a bia phurtu a si.
2) Ni khat ah voingan thlacamnak an ngei.
3) Alms-giving (harsa bawmhchannak) an ngei.
4) Rawlulhnak an ngei. Ramadan Islamic calendar in a thla kuanak ah Ramadan phuai an ngei i ni khat chung, ni chuah kaa in ni tlak tiang rawl an ei lai lo; ti zong an ding lai lo.
5) Mecca Tlawnnak an tuah lengmang. Saudia Arabia ah a ummi Mecca khua ah nunchung ah voikhat tel tlawn a hau. Hajj an ti i Muslim calendar in a thla hleihnihnak ah a si.
Muslim vancung kainak cu hi panga an zulhnak cungah aa hngat. Asinain Allah nih cohlan lo khawh thiamthiam a si ti zong an zumh. Vancung (paradise) ah Muhammad hmanh hi Allah nih a luhter hnga maw tiah an fiang lo (Surah 46:9; Hadith 5:266).
Khrihfami He Tahchunnak
Khrihfami he kan i lawhnak an um len nain kan i dang tuk. Pathian pakhat a zummi kan si, asinain Muslim nih Thumkomh Pathian an zum lo. Muslim nih Jesuh Khrih cu Prophet lian pakhat bantuk lawng in an zumh i Pathian Fapa a si an zum lo. Jesuh Khrih hi nu thiang chung chuak a si ko nain Adam bantukin sermi a si an ti. Jesuh Khrih vailam cung thihnak zong an zum lo. Mi sualmi hna caah a tlingmi thihnak a innak le khamhnak a kan serpiak vialte hi Muslim nih an zum kho lo.
Quran lawng hi Pathian biaphuan donghnak le nawlngei bik a si an ti. Five pillar zulhnak in vanram co khawh ah an zumh i Khrihfami nih tuahsernak in Pathian lungton khawh a si lo kha kan zumh ve. Sualngaihchihnak he Pathian vel thawng lawnglawng in khamhnak kan hmu. Kan i dan tuk ruangah pakhat a hmaan ahcun pakhat cu a palh a hau. Bible le Quran ah hin pakhat paoh Pathian bia a si i, pakhat paoh hi a hmaan lomi a si lai.