North Korea he fak ngaiin an i hrocer lioah President Trump nih lamhla a kap khomi Minuteman III ICBM missile a hneksak. California i Vandenberg Air Force Base ah zingka suimilam 12:03 AM ah an hneksak.
'Zeitluk in dah kan hriamnam a thawn, zeitluk in dah kan hriamnam timh cia a si, zeitluk in dah kan hriamnam hmuitinh a hmaan timi langhternak caah kan hneksakmi a si' tah ralkap upa pakhat nih a chim. California Airbase in an kah i meng 4,200 hla Marshall Islands ah a tla.
Minung pakhat nawlngeihnak in hruaimi cozah North Korea he an i hrocer cuahmah lioah President Trump nih a missile thazaang a vun langhtermi a si. North Korea zong a meithal ngan pawl thazaang langhternak a tuah ve. Rili kam vialte cu an miak lawng te an khat.
Asinain US he raltho seh law US missiel nih fawi tuk ciam cikcek in cite liah in an liah dih colh hna lai. Asinain missile fa deuh tete tampi a ngei hna. US raltuknak tilawng Carl Vinson zong North Korea rili leiah an panh chin lengmang cang.
30th Space Wing commander Col John Moss nih a chimmi cu 'tu zan kan missile hneksakmi kan ram thazaang le runvennak langhternak caah a biapi tukmi a si. Hlawhtling tein kan hneksak khawhmi hi a biapi khun. Kan nuclear thazaang cu missile cungah aa hngatmi a si ko a ti.
Moss nih a chimmi cu 'North Korea hrocernak caah kan hneksakmi a si lo. Kan tuan tawnmi zong a si i. hneksak ding in timhnak kan ngeih cangmi a si. North Korea hrocernak he aa pehtlai lo' a ti. Ref: The sun.