First Lady A si dingmi Melania le a fapa Barron Trump cu an pa President Trump sinah Inn Raang pi ah an um lai lo tiah theih a si. January 20 ah President biakamnak tuah a si lai i, Trump cu Inn Raang ah a um cang lai.
Melania 46 le an fapa 10 cu a tleu in a leumi Trump Tower ah an um lai. Barron hi Upper West Side privae school ah sianginn a kaimi a si caah um pi a hau tiah an ti. An fapa sianginn kainak hnahnawhnak pek an duh lo. A herh caan paoh ah
Malenia tu nih Inn Raang pi ah President Trump cu a len tawn lai ti a si.Trump President cuhnak in a siah hmailei i ram a hruainak ding ah Malenia hi a pasal thazaang a pe thiam i kho ngaimi a si. Kum dongh sianginn khar hnu ah
Malenia le Barron zong Inn Raang pi ah an kal ve men te lai, asinain timhnak taktak cu an ngei rih lo. Malenia hi a fapa Barron caah aa zuam i aa pumpe ngaimi a si. Midang nih a fapa sianginn donter zong a hmang lo; amah hrim nih a va lak tawn.
Malenia le Barron cu inn ah an um lai caah Trump Tower cu New York Inn Rang pi a si cang lai. Security nih tha tein an zoh dih lai i, an vun dih cang lai tiah Jim Reese nih a chim. Thlithup security minung zong an ngei cang lai. Leng an chuahnak kip tiang in rungvengtu motor le mongtu nih an zulh cang hna lai. Ref: NYP.