US President tuanbia ah President pakhat nih a president sinak a dih hnu in a vun chawngtu riantuannak le hruainak kongah aa thlak ti lo. Asinain President Obama nih cun 'Trump hi American kan sunhsakmi nunphung caah tih a nun ahcun kaa dinh hnu zong ka tlangtlak te ko lai tiah a chim.
Peru, Lima i conference ah a chimmi cu Trump bawmh ding in kaa tim ko. American a kan hruainak ding kongah timhtuahnak ngeih ding in caan ka pek. Asinain President in kaa dinh hnuah chim a herh ko tiah ka ruahmi kongah cun a ka chim te ko lai a ti.
A chim thanmi cu 'Inn Raang pi hi upat ka duh. Ahohmanh nih hnahnawhnak pe loin caan tha la ve seh law kan ram hruainak caah timhnak caan ngei ve seh' tiah Obama nih a ti. Cun 'kan nunphung le kan sunhsakmi phung a hnursuan ahcun kha bantuk kha runven hi a herh ko tiah ka ruah' a ti.
A chim than rihmi cu 'kha bantuk thil kan ton tikah ka zoh te lai. Kan ram caah zawnruahnak nganpi a ngeimi American miphun ka si' tiah a ti. Obama nih a chim thanmi cu President thing George W. Bush nih Inn Raang ah lunglawm tein a rak kan don bantukin kan team zong nih Trump Team ka don ve lai a ti.
President Obama hi President a si hnu in Obama riantuannak le hruainak kongah Bush cu aa thlak bal lo. Bush nih a rak chimmi cu 'ka chim zong ah zeihmanh thathnemnak a um ti lo' a ti. Cuticun dai tein a um ziar.
'President riantuan cu a har caah keimah i thlaknak nih a riantuan harter chin kha a herhnak a um lo. President dang nih anmah tein biachahnak an ngei i, keimah zong keimah tein biachahnak dang ka ngei ve' tiah Bush nih cun a chim. Ref: BBC News.