President thimmi Donald Trump nih Inn Raang ka phanh cangka in ka tuah dingmi tiah 'American First Policy Agenda' timi policy paruk (6) cu nikhatni ah video in a vun phuan cang.
A pakhatnak ah ka tuah lai tiah a chimmi cu campaign lioah a rak chim bantukin Trans-Pacific Partnership (TPP) hnathlaknak kan tuahmi hi Office ka kai cangka in kan ngol lai a ti. TPP hi kan ram caah thilrit ngan tuk a si khomi a si a ti. President Obama nih cun a nehnang rothil bantuk ah a ruahmi a si.
Aa tlukruangmi chawlehthal hnatlaknak tu kan tuah lai i, kap hnih party nih thathnemnak an hmuh dingmi tu kan kawl lai a ti.
A chim thanmi cu kan upadi le kan rian (jobs) ser thannak ding ah ka team zong tuah dan ningcang suai ding in ka chimh cang hna. Kan ramchung ah rian le setzung kan ser than khawhnak ding ah aa ruangmi hnatlaknak kan kawl lai tiah a chim chih.
US ah riantuan awk ngei loin Taluk le Mexico tbk ah niam tein rian American minung caah rian kan ser cang lai i, kan mipi kan runven cang hna lai. American vote petu le riantuanmi hna hi kum tam tuk hnulei ah kan chit cang hna i, atu cun an zawn kan ruah cang hna lai tiah a ti. Hihi a thinhun cemnak a si.
Kan ram caah agenda ka ngeihmi cu simple te a si: 'American First' ti hi a si lai a ti. US chawlehthalnak ah aihawhtu a simi Micheal Froman nih kan hnu zarh ah ralrinnak a chimmi cu 'TPP hnatlaknak kan tuahmi ngol than ding cu a poi ngai lai, zeicatiah ramdang he kan i pehtlaihnak le economic a kan sunghter tuk lai a ti ve.
Trump nih a chim thanmi cu motor ser a siah, thir ser a siah ngandam kong a siah a lianmi kan Homeland America ah kan tuan dih cang lai. American riantuantu hna caah rumnak le rian kan ser cang lai.
American riantuantu hna harnak a petu visa program ningcang lo hmannak zong kan hlathlai dih cang lai tiah a chim chih. Asinain vampang chon ding le Muslim kong cu a chim hna lo. Zeiruangah dah a chim hna lo timi hi cheukhat ruahnak ahcun a tuan deuh rih caah a si lai an ti. Ref: CNN & BBC.