A US miphun sinak a hlawt hnuah Steven Seagal cu Russia ah a kal i, Russia President Putin sinah Russian Passport a lak cang. Steven Seagal hi film aa zeimi a tam cang. 'Under Seige' film hoi hna hi a minthang takakmi a si.
President Putin nih Russia passport a pek pah in 'Washington le Moscow pehtlaihnak kan thatter deuh cang lai timi ka zumh' tiah a chimh. Putin nih a chim thanmi cu 'na cungah lunglawmhnak chim ka duh' a ti.
A peh thanmi cu 'hi thil fate kan tuahpiakmi hi US le Russia pehtlaihnak caah thathnemnak chuah pitu a si lai timi hmelchunhnak a si lai timi ruahchannak zong ka ngeih' tiah a chim chih.
'Kaa lawm tuk hringhran' tiah Seagal nih a leh. Kan hnu thla leiah khan US rammi sinak a hlawt i, Russian miphun sinak a lak. Judo (karate) a thiam takmi Seagal nih karate a uar ngaimi a si i, Putin zong hi a rak si ve. Putin a thangthatnak zong tuan ah a rak chim bal cang.
Russia sungthoh KGB thing a simi Putin hi 'vawleicung hruaitu ah a thawngbik pakhat ah aa telmi a si' tiah a rak ti bal. US miphun sinak a hlawt hnuah Seagal nih 'US le Russua hi a tha bik le aa neihniam bik hawi an si awk a si' a ti. Ka ram ka dawt tluk tein Russia zong ka upat i kan tlaihchan' tiah a chim chih. Ref: The Sun.