Nirukni zingka ah police pakhat nih zeiruangah dah zan khuadei te kahin an chiah hnga tiah khuaruahhar ngaiin hawhra nih a tlak dih cangmi motor cu a zoh i, a chungah kum hnih pa hngachia te cu a hmuh. Khuasik nih zan khuadei a rak hlawm cang.
Police Breanna Sanchez nih a chimmi cu 'ka hmuh cu ka zaangfak tuk hringhran. Ka celh lo. Zan khuadei te a rak thu. Celh ding hrimhrim a si lo. Hi tluk in a kikmi khuacaan ah motor chungah zan khuadei thut cu ruahnak nih a phan lo tiah' a chim.
A chim thanmi cu 'ka dir pah bu hmanh in ka khal thluahmah komi hi' tiah thinhung ngaiin a chim. Motor cu hawhra nih a rak tlak dih cang i fawte ah ka hmu kho lo tiah a chim chih. US Colorado i park ah a si i, a kih tuk lio caan a si. The Thornton Police Department nih a nu Nicole Carmon 26 cu an tlaih.
Hngakchia a hmutu nih a chimmi cu 'kan hmuh cangka in kan lak colh i, a rannak in sizung ah kan tlik pi. Sizung nih a rannak in an thlopbul colh ve. Asinain hawhra, thli kip le khausih nih a tlaih ning a fak tuk cang i, an nunnak an chanh kho ti lo a ti. A nu kong an chim rih lo. Thong ah an thlak men lai. Ref: The Sun.