Nirukni ah President thimmi Trump le Taiwan President Tsai Ing-wen phone chawnhnak cu a rannak in Taluk Foreign Ministry leiin lehrulnak an vun tuah colh. 'Zoh colh a herhmi report kan hmuh cangka in United State sinah a biapi tukmi theihternak caah kan tial colh' tiah Shuang nih a chim.
Taluk Foreign Minitry leiin biachimtu Geng Shuang nih a chim thanmi cu 'vawleicung ah Taluk pakhat lawng a um timi langhter kan duh. Taiwan hi Taluk in then awk a tha lomi a si. Taluk Pakhat nih a ngeihmi policy hi US-Taluk politics hrampi a si. US lei zong 'One China Policy' i tlaih peng ding in kan chim hna tiah a chim.
US nih Taiwan he aa pehtlaihmi thil kongah ralring tein a ruah a hau. US le Taluk pehtlaihnak hi an hninhseih sualnak hnga lo ding ah a herh lomi thil tuah hi an hrial ding a si' tiah a chim chih. Tu zing nirukni an phone chawnh cu daithlaan bia maw a si or a kan tuahhram dek a si hnga tiah Taluk Foreign Minister Wang Yi nih a chim.
US nih 'One Chin Policy' an cohlan khawhmi hi kan pahnih ram pehtlaihnak a ngandamtertu a si. Kan ram pahnih politics pehtlaihnak kan ngeihmi karlak ah hnahnawhnak a um lai lo timi kan zumh tiah a chim than.
President thimmi Donald Trump nih a twitter ah a tialmi cu 'nihin ah Taiwan President nih teinak kan hmuhmi kongah conglawmhnak chim ding in a ka chonh. Kaa lawm' tiah a tial. Taiwan President Tsai nih Trump he an in chawnhmi cu 'neihniam tein kan i chawnbia i, minute 10 hrawng a si' tiah a tial ve. Ref: CNN