President thimmi Donald Trump riantuantu upa ding hna hi conservative deuh lawng te an si bantukin Gay Rights (nu le nu, pa le pa thitumnak tbk) a dohmi an si. Naite ah LGBTQ community ah hlasak thiam Lady Gaga cu a leng hna i hitihin forhfialnak bia a chimh hna.
LGBTQ community nih an au pimi hi runven ding in kaa zuam ve lai tiah bia a kamh hna. A chimmi cu 'a luan cio kum riat in kan rak karhlaan pi cangmi Gay Rights hi kan si khawh chung in kan runven lai' tiah a chimh hna.
Trump sinah biacah bantukin hitihi a chim than. 'Minung karlak pehtlaihnak kan thanchoter lo ahcun politics thanchon timi hi a um kho lo. Minung pakhat le pakhat karlak ah dawtnak kan ngeih lo ahcun rian tampi nan ser kho lai lo, policy thar zong nan ser kho lai lo. Minung pakhat le pakhat kan i dawt hmasa a hau' tiah a chim.
Cozah thar nih Gay Rights hi a dirkamh lai lo timi hi an phang. Gay Rights dirpimi hna nih cun biatak tein an chim len cang. Lady Gaga nih a chim thanmi cu:
'Atu caan tbk ah hin a hmun a remmi ah kan um a hau i, kan i pehtlaih hna a hau, a si khawh chungin rualrem tein kan um zong a hau. Thil tuah ning le kan hmuh ning zongah fim ngai kan hau' tiah a chim. Gaga nih a chim hnawhmi hna cu Trump le a riantuantu upa hna an si. Lady Gaga hi biatak tein LGBTQ community a dirkamhtu a si.
LGBTQ ti a tawinak in tialmi a si i, an sullam cu Lesbian, gay, bisexual, trangender le qeer ti a si.
Nai i Thanksgiving Day ah khan New York ah inn ngei lo LGBTQ mino pawl dornak inn ah a leng hna. Clinton campaign lio zong ah biatak tein a bawmh i, Trump nih a tei ah khan Trump Tower hmai i, Hnawm Phurtu motor ah aa thlai i, sandah a piah ve. Ref: BBC.