Syria le Iraq ah ISIS nih khua le ram an rak lak thluahmah lioah khan Europe ram in minung 5000 leng nih an va bawmh hna. Atu cu Europe ram leiah kan i mer cang lai an ti.
Tha tuk in training pekmi ISIS 1500 hrawng nih Europe doh ding in timhnak an ngei tiah EU nih a report. Minung 5000 hrawng nih ISIS bawmh awk ah Syria le Iraq an kalmi chung in 1000 hrawng an thi lai tiah zumh a si.
2000 hrawng nih kan kir hnawh than hna lai an ti i, a dang tu kan tang lai an ti tiah EU tapung dohnak lei upa Gilles de Kerchove nih a chim. Europe ram ah tapung a kir dingmi ah hin phun hnih an um tiah a chim chih.
'EU ah a ra kir cangmi hna konglam theih khawh hi a biapi tuk i, a rak kir dingmi hna konglam theih zong a biapi tuk tiah a chim. Iraq a siah Syria a siah ISIS hmunkhur an chuh chin lengmang hna tikah EU leiah a rak kirmi an tam chin lengmang cang an ti.
EU ram mi a si ko nain Syria le Iraq ah a chuakmi ISIS nu le hngakchia hmanh hi tih an nung khomi a si. Ralrinnak biatak tein kan i lak a hau tiah a chim chih. Europe ram ah a rak kir cangmi zong hi Middle East an hawile he pehtlaihnak an ngei lengmang. Ref: The Dun.