Union Minister for Home Affairs Lt-Gen Kyaw Swe nih nizan ah Tlang Cung hriamtlai bu KIA, MNDAA, TNLA le AA (Northern Alliance) cu upadi ning in tapung bu tiah auh cang ding an si tiah Pyithu Hluttaw ah a chim tiah state media nih a chim.
Atu hi Shan Ram ah cozah ralkap he dong loin an i kap lengmang. Cozah lei upa nih cun Northern Alliance hi sual an puh hna. Naite zong ah dai tein a um lengmangmi Daw Suu zong nih a vun tlangtlak hna. Kahdohnak hi ngol u law kahdaih hnatlaknak minthutnak ah nan i tel cio ding a si tiah a chim.
Shan Ram an i kahnak ah hin mipi zong an thi len tiah theih a si. Hluttaw ah biatak tein an ceih i, kahdohnak nih kan ram a himter lo pinah daihnak kan sermi a dawnhkhanh tu an ti. Pyithu Hluttaw ah Meiktila peng aiawhtu Dr. Maung Thin nih kahdohnak ah a rawkmi le a thimi kong a chuah pi.
Union Minister for Home Affairs Lt-Gen Kyaw Swe zong nih Northern Alliance cawlcanghnak kong a chim. NA nih hin hriamnam nganngan in mipi an doh hna, mipi bawmtu motor zong an kah hna, lam le hlei zong an hrawh, mipi zong tangka an chuh hna i, minung zong an fir hna tiah a chim. Ref: Mizzima News.