Tuan deuh thla hrawngah khan Radar Online.com nih a phuanmi cu zungzal in laam thiam Kanye West nih aa uahnak le phorhlawtnak vialte a hlonh dih cang. A nupi Kim Kardashian nih a ka then sual lai tiah a nawl bak in a nawl cang a ti.
A luan cia thla khat-hnih hrawng khan cu an kal ti kho ti lo. An i ngiarnak le an i sehnak a tam ngai. Voikhat cu a pasal West nih a nam tiah chunglei minung pakhat nih a chim. Biaalnak le siknak in caan a hmang pengmi nupa cu New York Fashion Show hnu cun pakhat le pakhat zong tha thi in an chawnbia ti lo.
(adsbygoogle = window.adsbygoogle || []).push({});
Kim le a fale nih a pawngah an um hnawh lo ahcun Kanye West cu um awk hngal loin a um cang. Atu le atu ti awk in message a kuat i, a chawnh; nan sinah ka ra ve ko lai a ti lo cun inn ah rak lawi cang u tiah tong-ta-nawl in a nawl cang hna tiah chungkhar lei minung pakhat nih a chim. A caancaan tete lawng ah Kim nih a leh tiah a chim chih.
Atu nai hrawng i Laam thiam Kanye West lungthin aa thumh tuknak ruang tiah an ruahmi cu Kim Kardashian nih then a timhmi biathli a theih ruangah a si kho men tiah an zumh.
Nai hrawng cu sihni hna he atu le atu ti awk in Kim nih chawnhbiaknak a ngeihmi a theih chin lengmang. Thennak cathlap in a kan tuk cang lai hih timi ruahnak nih a lauter cang seh law a dawh. A thinphang chin lengmang cang tiah chunglei thil thei nih an chim.
Asinain nai tan ah khan cun a pasal Kanye sizung ah a phan i, thazaang zong a pek lennak le a zohkhanhnak zong kan hmuh len. An tluang than cang tinak a si lai tiah zumh a si.Ref: Radar.
Asinain nai tan ah khan cun a pasal Kanye sizung ah a phan i, thazaang zong a pek lennak le a zohkhanhnak zong kan hmuh len. An tluang than cang tinak a si lai tiah zumh a si.Ref: Radar.