Ningani ah Vice President thimmi Mike Pence zong mipi hmai le Pathian hmaiah Vice President biakamnak a tuah lai. Kutnam in biakamnak a tuah dingmi Bible cu Ronald Reagan nih an rak hmanmi Bible a si lai i, a Bible cang zong aa khat i, 2 Chanrelnak 7:14 a si lai.
President thing Ronald Reagan nih California ah uktu a rak tuan lai zong ah Bible a hman i, President biakamnak a tuah lai zong ah Bible a rak hman. Aa thimmi Bible cang cu 2 Chanrelnak 7:14 a si. Pence nih zong nih Reagan hmanmi Bible a hmaan lai i, aa thimmi Bibel cang zong aa khat lai.
Mike Pence nih a chimmi cu 'President Ronald Reagan cu dawtnak a ngeimi kan Pathian cung le kan ram cungah zumhnak a ngeimi a si. Kan ram lawng thlen loin vawlei pi tiang a rak thlen. President a tuan caan hmanh tling hlah seh law a tuanbia nih chan khat hnu chan khat in thazaang a kan pek. Hmailei zong ah thazaang a kan pek peng lai' tiah Pence nih a chim.
President thimmi Donald Trump he Inn Raang ah riantuan ding cu lung a hmui i toi a doiter tuk hringhran. Ka chungkhar le ka nupi Karen he kan dir ti hna lai i, President Ronald Reagan nih a rak hmanmi Bible kaa tlaih lai i, biakamnak ka tuah lai' tiah a chim chih.
Biakamnak kan tuah lai ah 2 Chanrelnak 7:14 ka on lai i, Reagan nih a rak relmi ka rel ve lai a ti; A rel dingmi cu:
'Ka min in auhmi ka mi hna nih toi an i dor i, thla an cam i, ka hmai an ka kawl i an sualnak an mer tak ahcun vancung in ka vun theih hna lai i, an sualnak ka ngaihthiam hna lai, cun an ram zong ka damter lai' tiah Pathian nih a chimmi bia a si. Ref: TCP.