January 20 (ningani) in cun President thimmi Donald Trump cu official tein United Stated of America President biakamnak a tuah cang lai. Zoh a duhmi hna caah caan an hmannak ding a tanglei ah kan langhter lai.
Washington DC ah States kip in a thongthong in an rak ra hna lai i Inn Raang hmaiah an rak phan cio hna lai. An President zong a si dingmi le an hruaitu ding zong a simi President Donald Trump biakaamnak a tuah lio le Bible a nam lio an zoh lai. American mipi sinah a vision zong a chim chih lai.
US ramchung mi lianngan vialte an tling dih lai i, an sunhsak bikmi Democracy thawtnam sullam an tep than hna lai. Vawleicung ah a thawng bikmi democracy phung a zulmi ram an sinak zong a thar in an vun thei than lai. Cucaah US President biakamnak tuah cu an caah a sunglawi kho tuk. Minung a thongthong in an rak chuah hna lai i, TV in million in million nih an zoh rih lai.
Nilini, January 19
President bakamnak puai cu Nilini zanlei in an thok lai. Hlasaknak le a dangdang in conglawmhnak le sunhlawihnak an tuah cang lai.
3:00 PM in President thimmi Trump nih a thimi ralkap upatnak peknak a tuah lai.
4:00 PM in 'Make America Great Again' Welcome nak tuah a si lai. Lincoln Memorial leng i Concert an tuahnak ah Mr Trump nih biatawi chimnak a ngei lai. Ramchung vialte ah Concert an hlunh dih lai. Hlasa ding hna cu Toby Keith, 3 Door Down le a dangdang an si hna lai.
7: 30 PM ah Phazawngdan Vannak a si lai. President Trump le Vice President Pence le an chungkhar dihlak in an rak chuak lai i, puai caah tangka hlutu sinah lunglawmhnak an chim lai.
Ningani, January 20
Thhlacamnak in an Puai Ni cu an thok lai. President a rak chuah in an thlacamnak an donghter lai.Phungning tein an zulh ahcun Mr. Trump le a hawileng vialte hna cu Blair House ah Breakfast dumnak an ngei lai i, nilini in nigani tiang an um beh lai tiah zumh a si.
8:30 AM ah Mr Trump le a chungkhar cu St. John Episcopal Church ah pumhnak an ngei ta lai. Blair House in aa hlat lo.
9:30 AM ah Inn Raang ah Obama le Trump le an chungkhar in tonnak an ngei. Cun Mr Obama le Mr Trump cu Pennsylvania Avenue in Capitol leiah an kal lai.
11: 30 AM ah Capitol in thlanglei kam ah American official le upa lianlian vialte hna cu an i pum hna lai. Evangelist Franklin Graham telh in biaknak hruaitu upa hna nih Inauguration ceremony cu official tein an thok lai. Congress leiin Inauguration Committee chairman Senator Roy Blunt nih biachimnak a ngei lai i, cu dih cun hlasaknak a um than te lai.
Chun hrawnghrangah President biakamnak le biachimnak a um lai. Chief Justics John G. Roberts nih President biakamnak a hruai hna lai. Mr Trump nih Bible pahnih cungah a kut a nam lai; pakhat cu a nu nih a hngakchiat lioah a rak pekmi a si; pakhat cu Abraham Lincoln Bible a si.
Cu dih cun Mr. Trump nih biachimnak a ngei lai. Vice President Mike Pence zong biakamnak le Bible namnak a ngei ve lai.
Chun hnu in cun Mr. Trump cu President fehter a si cang i, Mr Obama nih thlahnak bia a chim lai i, Capitol in nichuah leikam in Obama cu a chuak lai.
Zanlei a vun si cang lai i, a phunphun in hlasaknak le nuamhnak, chuncaw einak le a dangdnag nih a zulh cang lai.
Chuncaw an ei dih in President Trump nih Capitol in nichuah leikam in an ralkap zoh thannak a ngei hna lai. Cun Mr Trump le Mr, Pence nih an ralkap cu Capitol in Pennsylvania Avenue leiah an hruai hna lai.
Nirukni Zing ah an President biakamnak puai cu a dih lai. 10:00 AM in National Prayer Service an ngei lai i, Mr Trump le Mr Pence caah thlacamnak an ngeihpiak hna lai. An thlacamnak a dih cun President biakamnak puai an ngeihmi zong a dih ve lai. Ref: TNYT.