Ka riantuannak ah Driver pahnih he kan i duh. Atu cu nau ka pawi cang. Aho fa deuh dah a si hnga ka thei lo. An pahnih in uar an um i, mi tluanhtlamh zong an thiam. Pakhat he kan i kawm hmasa i, a hnuah pakhat he a thli tein kan i kawm than.
A pahnihnak pa cu kum 36 a si i, a hmaifang duh a nung tuk. Aa dinh caan ah lengah a ka len pi tawn. Cuticun an pahnih in a dangdang veve in caan kan hmang lengmang tawn. Aho deuh dah kaa thim lai ka thei lo. Pahnih ka kemhmi zong an i thei veve lo. An i thei veve fawn lo.
Kum 22 ka si cang i, aho dah an pa a si zong ka thei kho lo. A ngaingai ti ahcun tlangval dang ka rak ngei. Kum thum chung kan i duh hnuah kan i phiat than. Ka lung zong a rawh pinah pa hawi ka ngai. Mah hnu ahcun atu motor mongtu pahnih he ka tluknak a si.
Nau ka pawi ti kaa theih in Doctor sinah ka leng. Nau na pawi ko a ka ti. A ni le caan ka dawi than tikah an pahnih cungah a tla. Asinain aho deuh dah a pa a si ka thei kho lo. Zeitin dah ka tuah lai. Ka bawm u law kaa lawm ko lai.
Deidre: na chimmi kongah ruah ding tampi an um. Na tlangval zong nih an in cohlan lai zumh a um tuk lo. An in cohlan hmanh ah pahnih in hrawm awk a tha lo caah pakhat paoh kha a pa a si a hau. Cucaah biaceihnak zung tiang kal a hau ding a si; cun DNA test lawng nih a fianh khawh ding a si fawn.
Khi tiangtiang dirhmun va phak ding khi na caah a fawi lai lo. Na buai lai i, harsatnak caan sau tuk a tong ding na si. Cucaah ruahnak tha an pe khomi sinah na panh hna a hau rih ko. Cun minung pahnih he pehtlaihnak ngeih hi a buai ngai tawnmi a si. Na nunnak hi mahnak in a sunglawi deuhmi a si. Na nunnak remh than law tlangval tha te kawl i zuam. Ref: The sun.