President Trump le First Lady Malenia fapa Baron Trump hi an muihmai le a cawlcangh le a umtu ning te zoh tikah uar a um tuk. A fim ngai lai tiah an zumh. Mi lungnem le toidor ngai a si lai ti zong an zumh.
A nu le a pa chimh zong a ngai i, a nu nih a tlaih hip khawh ngai an ti. President Obama fanu le cu an cawlcangh le tlawnlen ning zoh tikah President fanu kan si ti phun in an cawlcangh le an tlawnlen ning a por ngai an ti. Asinain Trump fapa Baron cu aa dang ngai an ti.
President cuh lio i, teinak a hmuh ni hrimrhim i Baron Trump mithmai le cawlcangh te kha duh a nung tuk. Mipi hrimhrim nih an uar kho tuk tiah news cheukhat nih cun an rak tial len.
Asinain naite ah 'Saturday Night Live' catialtu Ketie Rich nih cun fak tuk in a vun phomh. President Trump fahniang kum 10 Baron Trump hi sianginn ah mi kaptu a si te lai tiah ningani ah twitter ah a tial. Suimilam pathum hrawng twitter ah a um hnuah a delect than.
Mi dang nih an vun phomh tuk tikah a delect thanmi a si. Mah hnu ah cun a twitter account zong mipi a hrawmh ti hna lo. Mipi hmuh khawh lo ding in a kham colh. Twitter hmangtu cheukhat nih cun hngakchia hna hi bantuk in ti cu tiah Rich an phomh len; cheukhat nih cun 'hnawmtam' tiah an auhpiak salam.
Cheukhat nih cun Rich riantuannak NBC kan boycott lai an ti. 'Hngakchia tuaitam hi capo ah maw a rel hnga' a timi zong an um. Ref: TNP.