Gaza hrambunh Hamas tapung nih vawlei kua an cawh i, Israel luh hnawh an timh lengmang hna. Israel ramri le ramchung tiang an phak tikah roket in Israel khua chungah an kah lengmang hna. Hamas tapung hi Israel hloh i, Israel ai ah Islam State ah ser ding in ral a thomi an si.
Ningani ah Gaza in thlanglei peng i vawlei kua an cawhmi a cim i, an ralkap pakhat a thi. Ni kum ah khan a rak cim bal cang. Hamas tapung 22 an rak thi. Gaza i Hamas tapung hi an hrang ngaingai. Vawlei khua tam pi an cawh. Israel ramri chung tiang vawlei tang in an lut. A phunphun in Israel an doh hna.
2014 ah khan Israel nih ralkap he raltuknak vanlawng he tank he an phomh taktak hna cu an i muai cawk lo. An vawlei kua cawhmi tam tuk an hrawhpiak hna. An dai cang rua ti lioah a thar in an konglam a chuak than. Thlithup in Israeal dohnak caah rian an tuan lengmang. Vawlei kua an cawhmi zong an a tha chin lengmang an ti.
2008 in Israel he ral a tho cangmi an si. Egypt an siah Israel an siah Gaza hi tapung cawlcanghnak a si tiah biatak tein lam an phih pengmi a si. 2014 hnu cun Hamas nih an hman bikmi cu vawlei tang in kua ser i Israel doh kha a si. Egypt le Gaza hi ramri aa hrawmmi an si tikah Egypt nih vawlei kua an hrawhpiakmi a tam cang.
Vawlei kua an cawhmi hi chawhlehthalnak, hriamnam cawknak le a dangdang tuahnak ah an hman. Cozah le ramdang theih loin a thlithup cawlcanghnak lawng te an hman hna. Ni kum ah Egypt le Gaza ramri hrawng i vawlei kua a rak cim i, Palestinian tam ngai an rak thi. Israel caah cun ral taktak an si. Ref: TOI.