Naite ah sungthoh lei minung pakhat nih document pakhat a chuah i, Russia a tlawn lioah Trump nih hlawhhlang nu he caan an hmang ti tiah thangchiatnak thawngpang an thanh. Mah lawng hmanh si loin Russia an tlawn lioah President Obama le Michelle ihnak cungah Trump nih hlawhhlang nu a ih pi hna an ti.
Russian President Putin nih Trump thangchiatnak kong an phuanmi cu fak ngaiin a vun phomh ve cang hna. 'Kha bantuk document a phuangtu hna kha hlawhhlang nu hna naak in an chiahru deuh' tiah a ti hna. Press Conference ah Putin nih a chim thanmi cu 'hlawhhlang timi hi minung kan umnak ah aa dawh lo ngaimi thil a si' tiah chim chih.
A peh rihmi cu 'Asinain kha bantuk a hmaan lomi news le an ser chommi news hmang in United States President thimmi an ralchanh. Hlawhhlang nu hna naak in an chiahru deuh. Ri ngei lo tiang in an chiahru' tiah fak ngaiin Russian President nih mipi hmaiah a vun phomh hna.
Kan ramchung himnak caah security riantuantu nih US mirum kip hi an dawi hna lo. Vawleicung muidawh bik he Trump hi a um lengmangmi a si. Zeiruangah Russia ah hlawhhlang nu a herh hna lai' tiah Putin nih Trump runvennak bia a chim. Putin nih a chim thanmi cu 'kan ram (Russian) nu cu vawleicung ah a tha bik an si ko nain 'Trump nih a nun niammi nu (hlawhhlang) a ton hna ding cu a si kho lo' a ti.
Cucaah 2013 lioah Russia a rak tlawn lio hi Politics leiah aa tel rih lo. Mirum pakhat dirhmun lawng in a kan tlawngmi a si caah kan sungthoh nih an dawi hrimhrim lai lo. Hlawhhlang he caan a hmang an timi hi an hmaan lomi a si, an ser chommi a si. Nichuak taktak an si' tiah Putin nih a chim. Ref: The sun.