President Trump nih ningani ah Africa le Muslim ram pasarih cu ni 90 chung US ah luhter lo ding an si lai tiah President minthutnak a ngei. Hngakchia le nu telh chih in refugee kip zong ni 120 chung US ah luhter rih hna lo ding a ti. US Airport kip ah fak piin sandahpiahnak a chuak.
Mipi an buai tuk lioah nirukni zan ah Ivanka Trump le a pasal Jared Kushne cu Washington DC i dinner party ah an rak kai. Ivanka nih a dinner party ah aa hrukmi thilthuam £4,000 he hmaan aa thla i Instagram ah a tar. Mipi an buai tuk lio i, hi bantuk thil man a fakmi hruk cu tiin mipi nih an zai hnawh len.
Cher nih a tialmi cu 'O'Hare ah suimilam 10 chung US miphun sinak a ngeimi an hren hna. Upa zong an si cang. Na pa ruangah a si' a ti. 'Hi hmaanthlak na tarmi cu thinhung a si. Mipi leiin lehrulnak ka ton lai ti zong na theih ko bu ah na tar. Na thil hruk zong aa dawhcah lo tuk' a ti. A dangdang zong nih an rak tial cio.
President Trump Muslim khamnak hi caan zeimawzat cu a buai ko rih lai. Asinain duhsak in an rengh chin lengmang lai i an tha than te ko lai. Kum tam tuk zalong tuk in US ramchung le ramleng chuah luhnak an on tikah rengh than ding in vun timh cu a fawi rih lai lo. Zeitluk in dah Muslim miphun zong an thawn i, an tam cang timi a lang. Ref: The sun.
President Trump Mipi An Tho Ve Cang: "Nunnak Nih A Tei Thluamah Cang:"
----------------------------------