Kawlram ah aa dawh bak, a tungtai tha bak, duh a nung bak fawn i, an uar taktakmi nu cu Kachin nu Lu Lu Aung hi a si. Kawl tlangval hrimhrim nih cun an thih pi dengmi muidawh a si. Ka fan pawl nih an ka uar tuknak le ka lar tuknak cu positive lungput ka ngeihmi ruangah a si' a ti.
A hmaanthlak zoh le a konglam hlat hi an dai kho cio hna lo. Kawlram muidawh Kim Kardashian a si. Fanu pakhat a ngei i, a fanu hi kum 10 hrawng a si ve cang. 2004 ah muidawh zuamnak ah aa tel cang. Online a hmanthlak nih an larter khun i, an theih khunnak fawn. A umnak hi Yangoon le Myitkyina, Kachin State deuh ah a si. A min a vun than kaa hrawnghrang ah khan bia an hal i, 'biapi tuk ah ka ruat lo' a rak ti hna.
'Cheukhat nu nih kan hmanthlak an lak i, hmun kip ah an tar hna i, comment an tuah len hna. An tam chin lengmang. Kan hmanthlak zong ka vun thlen hna. Asinain an vun buai thluahmah hna' tiah a chim than. 'A ngaingai ti ahcun online ah lar tuk cu ka duh lo. Ka lung cu a tling ngai ko nain a tha lo; atu cu a zual chin lengmang cang. Ka lar tuknak hi ka lungput a that tuk ruangah a si a ti.
Ka hmanthlak ka tarmi hna hi umharphen caah an si. Larnak le minthannak caah an rak si hrim lo. Asinain a poi ah ka chia lo. A ka thangthattu hna hi tam deuh cu pa lawng te an si. 'Nu kip hi anmah zawn cio ahcun an i dawh dih ko hna. Duh ka nun deuh nak ding ah fak deuh in rian ka tuan. Tam deuh in ka pum caah ka cawlcang lengmang a ti. Asinain a kum a chim duh lo.
A hmaanthlak comment an pekmi kong a chim thanmi cu 'dawhcah loin comment a tuahmi hna cu ka delect piak hna i ka block ko hna. Comment an tialmi tam tuk ka relpiak hna lomi an um a ti. Aa dawhnak kong an hal i, 'kanmah le kanmah kan i dawt a hau. Gym ah ka kal tuk lo. Pum caah a herh ning in rawl tling ka ei i, vitamin zong ka ei chih hna a ti.
A chungkhar kong tlawmpal lawng a chim. Yangoon ah ka fanu he kan um. Ka chungkhar cu Myitkyina ah an um ko. Nan i thimmi lam te ah nan kal ding a si ko. Ka bat deuh caan ka fanu nih a ka hnemh i, ka chungkhar nih an ka hnemh tawn. Ka nunnak ah kaa lunghmuih ko. A dang ka kawl len ti lo a ti. Nu ka si hi kaa uar tuk. Nu zong pa zong minung kan si ko. Aa tluk in kan i nuamh ding a si tiah Lu nih a chim.
Minung nunnak ah a biapimi kong an hal i, a lehmi hna cu 'community ah upatmi si kan duh ahcun kanmah le kanmah kan i upat a hau. Amah le amah aa upatmi poah mipi zong nih an upat hna. Nangmah tein na theihnak naak in midang nih an in theih deuh lai lo. Nangmah le nangmah naa upat lo ahcun ahohmanh nih an in upat lai lo. Nangmah tein naa thlak hlan chung paoh cu ahohmanh nih an in thla kho lai lo a ti.
Nan cungah kaa lawm tuk tiah biahalnak an ngeih lio i mipi hmaiah aa lawmhnak a chim. Kan hnabei kan donghter hna lo tiah ka zumh. Ka hmaika a chuakmi caan tha paoh cu ka lak lengmang ko lai. Hmailei zong ah zaangfahnak in ka dirkamh lengmang ko' tiah a bia a donghter. Ref: TMT.