President Trump cu a tar cang i, amah le amah hmanh a ruahnak aa fiang ti lomi a lo ngai. Thimnak an tuah i, zei bantukin teinak an hmuh hmanh dai tein um cang ding a si ko nain vote kongah hnulei ah a kir than hoi.
Amah le amah aa nonnok lengmang i, Republican upa lehlam nih an phomh cang. President Trump nih a thar in vote thlaknak kong a vun chuah pi thanmi cu '2016 vote thlaknak hi ningcang in vote aa thlak lo caah Popular Vote ka sung' tiah a chim.
Republican senator John McCain nih nihnihni ah President Trump a vun den cang. 'Ningcang loin (illegal in) vote kan thlakmi dah ka hmuh lo' tiah McCain nih a chim. McCain nih a chim thanmi cu 'biapi ah ka chiah cangmi cu kan National Security hi a si.
Defence Secretary Mattis nih tuanvo kan lakpiak zokzok sehlaw kan ramchung security tuanvo kan lakpiak cang seh' a ti. 'Tuan deuh pi khan President Trump biachim hi ka let ti duh ti lo. A riantuan pitu hna he riantuan ti ding in kaa tim cang' tiah a chim chih.
Nihnihni ah Press Secretary Sean Spicer nih a chimmi cu 'Million in vote an thlakmi ningcang lo a si tiah President Trump nih a zumh' a ti. Asinain Spicer nih cun ningcang loin vote an tlakmi kong fianternak a tuah chih lo.
Republican Senator Lindsey Graham zong nih Trump cu a vun phomh ve. 'Ningcang lo a si a ti ahcun tehte zong a langhter chih ding a si' a ti. Ref: CNN.