Kan hngahhlang ciomi US Supreme Court thimnak cu hmai zarh chungah a si cang lai. US Supreme Court ah hin biaceihtu pakua (9) an um i, pali hi Liberal an siah i, pali hi Conservative an siah. Nikum ah pakhat a thi. A thimi ai ah Trump nih minung pakhat a thim lai.
Citicun minung pakua an si than lai. Cu lawng si loin a thimmi hi Conservative a si lai tiah ruah a si. Conservative Khrihfami hna a thim ahcun US Supreme Court pi cu Khrihfa phung a tanhmi nih an uk cang lai. Cucaah President Trump le Pence nih a biapi tuk ah an ruah caah an thimmi dingmi hi tha tein an zoh lengmang lio a si.
Inn Raang pi ah Senate Majority hruaitu Mitch McConnell, Democratic hruaitu Chuck Schumer le Judiciary Committee kongah tuanvo ngeitu upa Republican le Democrat upa hna cu President Trump nih a ton hna i, US Supreme Court ah a hodah kan thim lai timi a ceih pi hna. SU SC biaceithtu conservative Antonin Scalia hi ni kum ah khan a rak thi.
President Trump nih biaceihtu minung pathum thim ding in a tarmi hna cu: Neil Gorsuc, Thomas Hardiman le William Pryor hna an si. An pathum tein conservative an si. President Trump zong nih a theih ngaimi hna an si. A uar ngaimi hna zong an si tiah Trump ruahnak a pemi conservative sihni Leonard Leo nih cun a chim.
President thing George W. Bush nih an pathum tein biaceihtu ah a rak khanh cangmi an si. President Trump nih a chimmi cu 'tu zarh chungah biachahnak kan tuah lai i, hmai zarh ah cun ka phuan cang lai' a ti. Inn Raang i reporttu hna sinah a chim thanmi cu 'a thiam takakmi thim ding kan ngei cang. Supreme Court biaceihtu tha taktak kan chim cang lai' tiah a chim chih.
1973 ah nauhrawh zalonnak phung an rak sermi a doh taktaktu cu Pryor a si. Gorsuch zong hi a doh ngaingaimi a si ve. 'Private company a ngeimi kip nih biaknak mit in Obamacare health Insurance hi kan doh awk a si ko a ti. Nauhrawhnak insurance zong an company cio nih an pek hna ding a si tiah upadi a sermi hi kan doh cio ding a si tiah a chim.
An tuanbia le an hmuh ning zoh than hna tikah conservative mit a au pengmi an rak si hna. An pathum in a thi cangmi conservative taktak a simi biaceihtu Scalia he an i dannak an um lo' tiah Trump ruahnak petu sihni Leo nih a chim than. Ref: VOA.
"Nunnak Nih A Tei Thluamah Cang:" President Trump Mipi An Tho Ve Cang
-------------------------