America tuanbia ah Inn Raang cuhnak i ral aa doh a fak bik a si lai tiah an ruahmi cu Hillary Clinton le President Trump an si lai tiah an zumh. Biaalnak (debate) an ngeih lioah Trump nih 'thong ah kan thlak colh lai' a ti i, Clinton nih 'UN President tuan ding in naa tlak lo' a ti ve.
An biafang hmanmi an zumhaar i fei bantuk an si. Asinain Hillary Clinton cu a tlak caah caan zeimawzat chung a thawngpang le zeidah a tuah timi kan theih lo hnuah thawngpang thar kan theih than. Cauk chuah aa tim tiah the express nih a tial. Inn Raang cuh lio i, linsa taktak le fak taktak in a dohnak kong a tial cuahmah lio a si. Politics zong in aa din lai lo ti a si.
A cauk ah hin aa tel dingmi hna cu politics chungah a um lio i a chimmi pawl hna an si lai. A cauk nih Clinton riantuannak a thar in an vun nunter than lai. Zeitluk in dah politics ah hram a thlak cang i, a hmin ve cang timi zong a cauk nih a langter lai. A tonmi le a hmuhmi a tam tuk cang pinah nu ropui hrimhrim a sinak zong a lang cang lai.
Clinton nih a chimmi cu 'ka biafang le ka ruahnak cauk in ka langhter hna tikah careltu hna caah sullam ngei ngai a si lai timi zumhnak ka ngei' tiah a chim. Simon & Schuster nih thaal a tlak hrawngah a cauk an chuahpiak lai, asinain zeizat dah an pek lai timi a fiang rih lo. A cauk tlangtar zong a langhter rih lo.
Oprah bantukin TV riantuannak zong ah a lut kho tiah theih a si. 2020 thimnak ca zong ah lam a onpiaktu ngai zong a si lai tiah an zumh. New York ah khuabawi zong aa cuh kho men ti zong an zumh. A lungthin le a ruahnak mei a mit kho hrimhrim rih lo. Trump Muslim khamnak ruangah sandah a piahmi thazaang peknak a tialmi cu:
"Kan phunghram le kan sunhsakmi nunphung runven awk ah a dirmi mipi nan sinah ka um ko. Trump Muslim kham hi US kan sining a si lo' tiah twitter in a tial. Ref: The Express.
Melania Trump Nih Zeizat Dih In Dah A Hmai Aa Thlen/remh?
---------------------------------------