Nirukni ah Naypyidaw ah State Counselor Daw Aung San Suu Kyi le Snr-Gen Min Aung Hlaing tonnak an ngei. Senior official cheukhat zong an i tel hna, asinain zeidah an ceihmi a si tiah lengah an chuahter lo. Atu lio hrawng hi an an tluang lo tiah an zumh.
Camera hmaiah hmaipanh loin um an duh lo caah thlithup tonnak an ngeihmi a si lai tiah an zumh. Nirukni an i ton ahcun Min Aung Hliang nih Daw Suu cu a ran khawh chung rang in National Defense and Security Council (NDSC) na auh a hau a ti tiah an chim. NLD cozah a kai hnu in atu tiang ah NDSC an tuah rih lo.
National Defense and Security Council (NDSC) ah chungtel hleikhat (11) an um. President thing Thein Sein chan ah sermi a si i, 2008 phunghram zong ah telh chih a si. NDSC nawlngeihnak ah aa telmi cu ralkap kong, ramchung security kong, President sinah catial khawh i, ram pumpi huap in State of Emergence auhternak tbk hna an si.
NDSC ah aa telmi hna cu President pathum, Hlutdaw biachimtu pahnih, ralkap commander-in-chief, deputy commander-in-chief, foreign minister le defence, home affair, border affair hna an si. Ralkap lei nih 6-5 in an tei hna. NLD leiin cun Daw Suu, Vice President Henry Van Thio, President Htin Kyaw le Hlutdaw biachimtu pahnih -Win Myint le Mahn Win Khaing Than- an si.
October i Northern Arakan State buainak a chuah hnuin Daw Suu le Min Augn Hliang tonnak an ngei pah lengmang. An i ton kip paoh cun media cahmai kip ah an cuang lengmang. Asinain atutan tonnak cu an lang ti lo. Tutan aa tongmi hna hi Foreign Minister Daw Suu, President Htin Kyaw, deputy army chief Gen Soe Win, defense minister Gen Sein Win, le minister of home affairs Lt-Gen Kyaw Swe hna an si.
January ah Daw Aung San Suu Kyi nih U Thaung Tun cu National Security adivsor ah a khanh. Asinain Ralkap lei upa nih an duh lo ngai. Supreme Council ramri det bantuk ah an ruah. Mah hnu cun Daw Suu le Min Aung Hlaing karlak pehtlaihnak a chia chin lengmang tiah an hmuh.
Tuan deuh Information Minister a simi U Ye Htut nih Singapore’s Today Online ah a tanglei bantukin a tial. 'Vanchiat ah Mr. Thaung Tun riankhanhnak nih ralkap he a sukkhakter hna. Ramchung security kongah cun commander-in-chief hi cozah lei ruahnak petu peng a si ko. Hihi kan phung a si ko. Mah thil nih hin a sukkhakter te ko hna lai' tiah a tial.
Zeiruangah dah Daw Aung San Suu Kyi nih NDSC a auh duh lo timi hi theih a si lo. Ralkap lei an siah USDP Party an siah au cang seh ti an duh. An auh ahcun ralkap lei nih an tei hna ding a si. Rohingya kong a siah fak deuh in ralkap lei nih cun ceih an duh. Socio-economic security a siah ramchung security a siah kan him lo chin lengmang cang timi hi ralkap lei upa nih cun an ruah tuk cang.
Kofi Annan-led Arakan State Advisory Commission kong zong NLD cozah nih NDSC an ceih pi hna lo. USDP leiin biahalnak a chuak lengmang nain NLD cozah lei nih zeihmanh bia an let bal hna lo. Cucaah ralkap le cozah karlak ah theihthiam lonak a um kho men tiah an ruah. Ref: Irrawaddy news.
President Trump A Phomh Ning A Fak Taktak Ko
--------------------------------
-----------------------------