ISIS nih an tlaih i, minung hleihnih nih ni fatin in an thlaihhrem hnuah a zam/luat khomi Yazidi ngaknu dawh te nih vawleicung hmaiah a tuanbia a phuan. ISIS nih a kan tuahto ning hi celh ding a si lo. A tuar kan tuar kho lo; a chim hmanh chim ngam lo dingmi a tam tiah a chim.
Nadia Murad cu 2014 ah Kurdistan ah ISIS nih an rak tlaih i, sex sal ah an rak hmanmi pakhat a si. STV ah a chimmi cu 'ISIS kut cung kan um lioah cun minung ah a kan ruat lo. Man ngei zong ah a kan ruat lo. Lentecelhnak le nuamhnak caah a kan hman. A kan duh ti lo poah ah ningcang loin a kan tuahto tiah a chim.
'Hmun kip ah an duhmi nu paoh an tlaih hna i, 6,500 leng an si. Sex sal ah an hman hna. An duh ning in a kan tuahto i zaangfahnak zong an ngei lo. Kan tuar ning aa khat dih. A kan tuahto ning hi chim ngam ding hmanh in aa tuah lomi an tam tuk. An sual ning hi hmurka in chim thiam ding zong a si lo. Zeihmanh ah a kan rel lo. A thilri chiahru tuah hmanh in a kan tuah lo tiah Yazidi ngaknu nih a chim.
Murad nih a chim thanmi cu 'an sal ah thla hnih ka um chungah hin chungkhar pakhat hna sinah ka um i, a duhmi paoh an rak ra i, an diriamhnak ah atu le atu in an ka hman. ISIS kip cu an i khat dih. Ziaza tha deuh zong an um lo. A kan tuahto ning zong aa khat dih. A kan tlaihhremtu an zate in minung 12 an si' tiah a chim chih.
A hnuah minung pakhat nih a ka cawk i, Syria in a rami pa sinah kan kal lai pi lai ka ti. Tlaihrem a ka duh i a ka timhter. Cun ka caah thilpuan cawk ah a va kal. A inn lengah ahohmanh congtu an um lo. Human rights hna thawng in ka luat kho tiah a chim. Human rights zong hi ID a deu an hmang hna. Cuticun a zam i, German a phan. Atu cu nun thar in a nung cang. Raltha in a tonmi kong a aupi caah Vaclav Havel Human Rights timi upatnak laksawng zong an pek.
A chim thanmi cu 'ISIS kut in ni fatin in kan thi. Kan tonmi hi thihnak naak in a har deuhmi a si. ISIS nih nu a kan tuahto ning hi chim awk a tha lo' a ti. Hi tluk in kan temtuar lioah vawleicung hruaitu zong an hna an i cheh i kan zawnruahnak an ngei lo' tiah vawleicung hruaitu zong a mwhchiat hna. ISIS nih a kan tlaih ah hin ka nu le ka tale an thah dih hna tiah a mitthli he a chim.
'Ngaktah ka si. Ka pa nih a kan thih tak cang i, ka ngeihmi cu ka nu le ka tale lawng an si. Ka nu le tale le ka chungkhar vialte hi an thah dih cang hna lo ahcun sal ah an um dih cang lai' a ti. A chim thanmi cu President Trump nih a ramri a kan khar khanh ding a si lo. Bawmh kan hau' tiah a chim chih. Ref: TCP.
ISIS Nih An Khanghmi Duh A Nung Tukmi Khrihfa Nute Zumhnak
---------------------------------------------
-----------------------------------------------