KIA ralbawi General Gun Maw cu naite i Kawl ralkap nih KIA sakhan pahnih - Gidon le Lai Hpawng - an laknak kong bia an hal. Kawl ralkap nih nan sakhan pahnih an in chuhmi hna nih hin zeitluk in dah KIA sunghzatlaknak a ser?' tiah an hal. General Gun Maw nih a tanglei bantukin a leh hna.
Kawl ralkap lei dirhmun in kan chim ahcun hi sakhan pahnih hin Kawl ralkap nih harnak tampi a kan pek khawh ko cang men lai. Sihmanhsehlaw a thatnak leiin kan chim ahcun hi pahnih kan sunghnak in mipi leiin zawnruahnak le dawtnak a kan ngeihnak a thawng chin lengmang. Kachin mipi lungthin zong ah rualremnak a thawng chin lengmang fawn.
Gidon le Hpawng an kan doh chungah hin thla li bakte an rau. Kawlram mipi mithmuh ah a fiangmi cu Kawl ralkap nih zeidah an i timh taktakmi a si i, zeidah an duh taktakmi a si ti fiang te a lang. Video le hmanthlak zong in nan vun hmuh lai. Hi sakhan pahnih ah hin KIA ralkap 30 veve lawng an um kho. Asinain Kawl ralkap nih thla li bakte an i rauh. An ralkap an tam, hriamnam thatha in a kan doh, raltuknak vanlawng in a kan doh.
Kachin mipi kan siah Kawlram mipi an siah zeiltuk in dah Kawl ralkap an thiam timi a lang. Hi a fate sakhan pahnih laknak ding ah thla chung bakte an rau. Zenkuan tampi an sung i, an thazaang dih-umnak in a kan chuah hnawh. Sakhan pahnih cu kan sung nain mipi mithmuh ah Kawl ralkap thiamnak le thazaang zeidah a si timi a lang i, an caah thangchiatnak lehlam a si.
Asinain zeitik hmanh ah kan philh lai lo. Kan thazaang he zong in rup loin an thazaang dih umnak in a kan doh. International Community lei zong in zeihmanh bia a chuak lo. Kan tuanbia ah philh ti lo ding in kan i tial lai. Ref: The frontier news.
CNF Upa Chunmang Vialte A Pakpalawng Can Dawh A Si Cang
---------------------------------------