Kan hnu thla January ah 88 Generation sianghngakchia hruaitu nih Yangoon ah meeting an tuah i, 1962 ah ralkap nih uknak an rak lak hnu i political activist vialte zong an kai hna. Mipi nih an duh dingmi le NLD Party a dohtu khotu Party ser ding in biachahnak an tuah. Committee chungtel zate in minun g 40 hrawng an si lai.
November 2015 thimnak ah NLD nih an rak tei i, Pyidaungsu Hluttaw zong an tlaih dih. Shan le Rakhine States pahnih dah ti lo cu NLD an rak thawng dih. Cuticun President zong an i thim kho i, cozah zong an ser khawh. Kum 50 chungah mipi nih uknak an vun tlaih a si i, USDP cu sungh cikcek in an sung.
USDP Party hi ralkap dirhmun thawnternak caah dirhmi a si i, ralkap upa thing nih an hruaimi party a si. Mipi duhnak le mipi dirkamhnak caah dirhmi party a si lo caah an lar kho lo. Cucaah a thawngmi dohtu party dirhmun a tlai kho ding a si lo. Cucaah January thla chungah khan 88 General hruaitu upa le political activist dangdang nih dohtu party kan dirh a hau tiah timhnak an ngeihnak a si.
NDL Party hi a lal tuk cang. Democracy Dictatorship uknak in kan ram a kan hruai cang caah kan doh a hau cang timi an hmuh. Cucaah mipi duh ning in party an ser khawh ahcun NLD Party he khingkhang in party an dir cang lai. Asinain hi kong hi 2015 hlan ah khan 88 Generation nih an rak ruat tuk lo. An hruaitu U Ko Ko Gyi nih Party dang a ser te hnga maw ti cu an rak zoh ngai, asinain NLD tu ah aa fonh than.
Asinain NLD nih an an thimmi (candidate) ah aa tel ve lo tikah an khuaruah zong a har i, an lung zong a dong. Mah nu cun an karlak pehtlaihnak a kik chin lengmang cang. Atu bantukin NDL Party level in dohtu party a tuan khomi ser ding in timhnak an vun ngeih a si.
Asinain khuaruat kho cheukhat caah cun thinphan ngai awk in a um an ti. 88 Generation hi thimnak vun lut hna seh law vote hi an thenthek tuk lai i, third party miaknak a si lai an ti. Ralkap nih uknak an tlaih than lonak ding le ralkap dirkamhmi USDP party nih cozah an ser than lo ding ahcun thawng ngaiin NDL dohtu party ser lo hi a tha ko an ti. Ref: Frontiermynamar.
Israel Miphun Tlau Bnei Menashe Cu Mizoram In Israel Ah An Pok Cang
----------------------------