Kate Winslet cu a muidawh lawng si loin Oscar laksawng a hmuhnak Titanic film in a minthang tuk cangmi cangmi a si. Naite ah British Star Idris Elba he 'the Mountain Between Us" timi film an i zeih. Mipi hmaiah an vun i kuh i, an vun i reh chih i, an vun i hnamh cu zoh tu an tam kho tuk.
Nihnihni ah Canada, Vancouver lam, minung an tam ngaingai nak ah dawtnak an ser. Mipi nih an cuanh len ko bu hna in an i kup i an i hnam chih. Elba 44, nih Kate cu a lu a vun kuh i, a hnamh chung vialte a reh chih. Kate 41 cu a mit aa chimh i, a lungthin tak tein aa pumpe ve timi hmuh khawh a si.
Minung tam taktaknak lam laifang hmun a si tikah zohtu cu an tam ngaingai. A zeimaw caan hna ahcun Kate cu a mitthli a luang thluahmah tawn zecatiah an i zeihmi film hi ngaknu le tlangval duhdawtnak tuanbia kong a si tikah lungthin a hnoter ngaimi a si.
An i zeihmi film hi 2011 ah Charles Martin nih a rak tialmi novel a si i, a tha ngaimi a si. Tlangcung ah vanlawng a rak tlami kong a si i, ngaknu Ashley Knox le Ben Payne tuanbia kong a si. 'The Mountain Between Us' tlangtar in an i zeihmi film a si.
Ni kum December in film zeih an thok i tu thla dongh hrawngah an i lim lai tiah zumh a si. October ah an chuah te lai. Ref: The Express.
Israel Miphun Cungah US-Muslim Lungput Aa Dawh Tuk
---------------------------------