Hillsong Concert ah caan a pe chin lengmang cangmi hlasak thiam Justin Bieber cu nithumni zan ah Australia, Sydney ah concert a tuah. Stage cungin a thlam laangmi bawm chungin an rak tumter i, bawm chungah 'ka biap philh hlah u Jesuh nih an dawt hna' tiah a tial.
Concert an tuah thaizing ah Hillsong Australia Colour Conference ah chuncaw an ei hna. Zohtu zong an tam ngai hna. Hillsong Pastor Carl Lentz le Hillsong hruaitu upa dangdang he zong caan sau pi an um ti. Justin Bieber le Hillsong pehtlaihnak a thawng chin lengmang.
Pastor Lentz hi New York i Hillsong Khrihfa ah riantuanmi a si. Justin Bieber hi Pastor Lentz riantuannak in a piangtharmi a si. An i pehtlaihnak zong a tha chin lengmang. Tipilnak zong a pek. Pastor Lentz nih a chimmi cu Judah thawng in Justin he kan i hawikawmhnak a si a ti.
Justin Bieber le Pastor Judah Smith hi aa hawikawmmi an si. A hnuah Pastor Lentz he a pehtlaihter hna i, a piantharnak tiang zong a si i, tipilnak tiang a pek. Jesuh a theih cang. Jesuh he pehtlaihnak zong an ngei cang. A nu hi upat awktlak a si. A nu nih a fapa lungthin ah thlaici a tuhmi a si a ti.
A zumhnak zong a thawng chin lengmang. A zumhnak zong aa biatak tiah a chim chih. Tutan Sydney concert a tuahnak i Jesuh a dawtnak le a zumhnak a langhtermi nih mi tampi thazaang a pek hna. 'Ka bia philh hlah u Jesuh nih an dawt hna' a timi hi a zumhnak taktak a si tiah a chim.
Justin nih mipi sinah a zumhnak atu lawng a langhter a si lo. Paris Concert a tuah lio zong ah 'Zungzal in na dawtnak hla ka sa lai' tiah Pathian hla a sak. Ref: TCP.