March 01, 2017 ah President Trump cu Congress ah bia a chim. Congress ah a voikhatnak bia a chim a si.
Rev. Franklin Graham cu a lung a rak tling kho tuk. 'Ka theihmi biachim vialte lakah a tha cem pakhat a si. American caah fiang tein a chunmang a kan chimh' tiah a facebook ah a tial.
Rev. Franklin Graham cu a lung a rak tling kho tuk. 'Ka theihmi biachim vialte lakah a tha cem pakhat a si. American caah fiang tein a chunmang a kan chimh' tiah a facebook ah a tial.
'Democrats an siah Republican an siah caan tha an pek i, a chim bantukin Trump nih American mipi caah a chunmang a tlinter khawhnak hnga thla ka campiak. American mipi nih kan thim hnawhchanmi tlinter hram ko seh!' a tial.
'American cu aa khatmi thisen a chuah ti zong kan si hna. Aalan pakhat a upat timi zong kan si hna. Pathian pakhat nih sermi zong kan si hna' tiah President Trump nih a chimmi hrimhrim cu a tha kho tuk. Mi tampi lungthin chung cio ah bia a chim lai. Lungrualnak kan herh. Pathian le Bible a zahpi lomi President ngeih hi zeitluk in dah a nuamh!' tiah Rev. Franklin nih a tial chih.
Ral ram ah a thimi kan ralkap Navy SEAL Ryan Owens le a nupi Carryn le a chungkhar zong President Trump nih upatnak a pek. President biachim le thazaang peknak nih kan ram mipi lungthin zong a tongh cio hna lai. Tantakmi chungkhar caah thlacampiak philh hna hlah u sih. Kan ram caah nunnak thap in riantuanmi kan ralkap vialte zong thlacamnak in kan bawmh lengmang hna lai' a ti.
'Ni fatin kan ram an sunlawiter chin lengmang. Kan President nih a dirkamhmi hna ka hmuh tikah kan President Trump cungah kaa lawm tuk. Bible nih 'Mi nih a hawile caah dawtnak ngan bik a ngeih khawhmi cu an ca i a nunnak pek hi a si' tiah Trump nih a ti (John 15:13). Pathian nih kan ram thluachuahnak pe chin lengmang ko seh!' tiah Rev Franklin nih a donghter. Ref: Rev. Franklin Graham timeline.
Russia Ruangah Si Lo; Pathian Thawng In A Teimi A Si: Franklin Graham
--------------------------
-------------------------