Kum 49 hrawng pa le a ngaknu cu dawr lengah an dir i, cu lioah Micheal English a rak ra ve. Zantim hrawng a si tikah mei a ngei hnga maw tiah a rak hal hna. CCTV ah cun neih tein an dir i, aa simi zong an lo lo. Cu lioah English nih mei a halmi pa cu a hmai a thongh colh.
Tluk aa timh lioah voihnih a thongh than i pakhat deuh cu a tho kho ti lo. Minute 10 hrawng mahhngal loin a um an ti. James Cook University Hospital ah an tlik pi colh. A thluak chungah thi lut i operation zong an tuah. A dam ngai cang nain a hlan bantuk a si ti lo.
A thongh hnuah CCTV in a zoh than i aa ngaichih tuk
'Atu cun ka nunnak 90% cu a tla cang. Ka lungthin put zong a hmaan ti lo; ka tah zong a fawi tuk cang. A hlan bantuk ka si ti lo' a ti. 'Atu i ka theih khawhmi cu 'ka ngaknu he leng ka chuah i kan i nuamhmi le rian thar ka hmuhmi lawng kaa cinken khawh cang' a ti.
A chim thanmi cu 'Sizung ka rak um zong ka thei lo. Asinain ka vun i thangh tikah cun sizung ah ka rak um diam cang. Ka cawlcang kho ti lo' a ti. Middlesbrough i Teesside Crown Court ah taza an i cuai i a thongtu pa zong thong an thlak cang. 'A ka thongh hnu cun kan nunnak a rawh cikcek in a rawk cang' tiah biaceihnak zung ah a chim.
A far nu nih a chimmi cu 'hi thil hi a can ding hrimhrim a rak si lo. Tlangval pa nih a tuahmi a ruah lo tuk caah a si. Atu cun kan nunnak a tlen dih cang' a ti. A thongtu Micheal zong nih a hnuah CCTV a zoh than i aa ngaichih tuk. Amah tein police sinah aa ap. Thla 22 chung thongthlak a si lai. Ref: The sun.