Ruahsur tuk ruangah April 18 ah khan Colombia i khua pakhat Manizales ah mim a cim i minung 17 nunnak a liam.Tah le mitthli he an um lioah minmei hmang in Jesuh a rak lang i khuami vialte nih an hmuh dih. Mipi kip an zoh i Jesuh muisam a si an ti.
Ngaihchiami chungkhar hna cu Jesuh Khrih nih a kan hnemhnak a si an ti i thazaang tampi an la than hna. Nu pakhat Marya de Iesus nih a chimmi cu 'Nazareth Jesuh nih a kan hnemhnak hmelchunhnak a si' tiah social media kip ah a tial.
Minung pakhat nih a chim thanmi cu Jesuh Khrih nih Colombian khua a kan len. Pathian nih thluachuahnak a kan pek. Vawleicung Siangpahrang Bawi cu thangthat si ko seh! a ti. Minung pakhat nih an zoh cuahmah lioah a chimmi cu 'Oh, ka Pathian, kan harsatnak zoh ah maw na rak tat. Kan zoh tuah. Pathian kan in thangthat.
Kan Bawipa a dir ko khi nan hmu maw?' tiah a au chih. Minung pakhat nih a chim thanmi cu 'kan ngaihchiat lioah a kan hnemhnak le ruahchannak a kan peknak a si' a ti. Social media hrimhrim ah cun a puah in a puak. Cheukhat nih thazaang laknak an hman i cheukhat nih cun an zum duh lo.
Social media biaalnak menmen ah a cang. A hmutu hna caah cun thazaang ngai a rak si. Lunglawmhnak in an khat hna. A hleiin ngaihchiatnak a tongmi chungkhar caah cun Jesuh hnemhnak a si an ti.