North Korea ralkap dirh kum 83 tlin camtuak ah US hrocernak caah an hriamnam thazaaang cu rili kam ah khat phikphak tein an langhter hna. US sungthoh upa pakhat nih cun 'President Trump an hrocernak a si' tiah a chim. Asinain khuaruahhar thil pakhat a chim chih.
Michael Pregent nih a chim thanmi cu 'khua chungah North Korea ralkap an kal lioah khan tha tein zoh hna u law meithai le missile deu nan hmuh len hna lai. Meithal deu le missile deu in President Trump an thihpheih. Kan ram hnih in kan i hmuh thiam lo i kan i hrocer lioah hi bantuk thil an tuahmi cu nihchuak ngai an si a ti.
An rili kam vialte cu meithal he missile he khat thup in an pumh hna. US raltuknak tilawng a ra lai i, kan phomh lai tiin bawh hna seh law a lo. Asinain an hriamnam tha tein kan zoh hna tikah a kan hrocernak lawng a si. Raltuk kan i tim cang tinak si loin a kan hrocernak langhternak menmen a si' tiah Micheal Pregent nih a chim.
An ralkap kut tlaih meithal AK-47s pawl hna zong khi kuan an um lo. Nihchuak an si. Tha tein nan zoh ah cun an langhtermi hriamnam ah plastic nan hmuh len hna lai. A deumi hriamnam in a kan hrocernak a si a ti. Tuan deuh i missile an langhtermi pakhat hrimhrim a par cho lei a zoh. A deumi hrimhrim a si an ti.
Asinain Pregent nih a chim thanmi cu 'a deumi lakah hriamnam thazaang thatha tampi an ngei ko tiah a chim chih.
North Korea cawlcangh nih US lungre a theih ngai timi a lang. Inn Raang ah President Trump nih National Security Council tonnak a ngeih pi hna. North Korea thihpheihnak le hrocernak kongah ceihmainak an ngei. Hriamnam in maw an dironh lai, sipuaizi in maw an dironh lai, zeitin dek an tuah te lai. Thawngpang a ra than lai. Ref: The Express.