North Korea nih US minung pathum thong a thlak cang hna. Nizan nirukni ah minung pakhat Kim Sang Duk cu Airport in a chuah lai ah an tlaih i, atu hi zeitin dah a dirhmun a si timi a fiang rih lo. CNN nih North Korean Official Sok bia an hal i, US thongtla kong zong an hal chih.
North Korean official Sok Chol Won nih a chimmi cu 'US thongthla zong thongtla dangdang hna he an dirhmun aa khat dih ko tiah a chim. A dang a chim ti lo. CNN biahaltu nih 'nu, pa le hngakchia telh in minung 120,000 hrawng thongtla an um timi hi a hmaan maw?' tiah a hal.
Sok nih a hmaan lomi a si tiah fak ngaiin a chim. A chim thanmi cu 'hi bantukin sual a kan puhtu hna hi a sual i kan ram chuah tak in zammi an si. US nih tangka an pek hna i an forh hna i lih an chimter hna. North Korea chiatnak lawng te an chim' tiah a chim chih.
Human rights buar le buar lo kong zong ah UN nih miaknak hmang in an hrokhrol in report an tuahmi a si. Kan ramchung kong tlangtlak an duh ruangah an lih le hrokhrol in kan kong chiatnak lawng te an chim, asinain report an pekmi hi a hmaan lomi an si.
Human rights sullam cun kan ram North Korea runven ding le a kan hruaitu Kim Jong-un runven ding hi a si. A herh ahcun nuclear hriamnam zong kan hman ko lai' tiah Sok Chol Won nih CNN biahaltu fiang ko in a leh. Ref: CNN News.