Atu lio Syria ah an thih bikmi cu ISIS nih inn kip ah bom an chiahmi an si. An sung thluahmah cang hna i a tu ah an tuahmi cu Syrian mipi nih an zam takmi inn kip i TV chung, tanu (toy) chung, frit (fridge) tbk ah bom an chiah len hna ti a si.
Ralzam Syrian mipi an kir tikah an caah a tihnung tukmi thil a si lai tiah an ruah cang. Syrian ralzam zohkhanhtu doctor Karline Kleijer nih a chimmi cu 'Syrian mipi kir thannak ding caah a tihnung kho tuk' tiah a chim.
'Tuang tang, hngakchia lentecelhnak tanu chung, pher tang, bizun chung, hlei tang, hrawl cung tbk tiang ah bom an chiah dih' tiah a chim chih. Hi bantukin hmun kip ah bom an chiahmi hna hi ralkap puah te hna seh an timi a si lo' tiah a chim.
'Mipi hrimhrim puah te hna seh tiin an chiahmi a si. Kan ruahnak leng tiang in an rak sual i, thil tha lo tuahnak khua an rak khaang' tiah a chim chih. Ni kum October in tu kum february chung lawng hmanh ah bompuah hnawhmi minung 190 leng kan ngei cang a ti.
'Zan zong ah kaa hngilh kho lo. Bom an chiahmi hi zeitin ah dah ka fale nih an i lamh lai i a puah hnawh te hna lai timi lawng ka ruat. Uico le tuu tbk zong nih zeitik ah dah an lam lai i an puah te lai timi kan ruah ah hin kan thinphan a dai kho bal lo' tiah khua chungmi pakhat nih a chim. Ref: Ref: The sun.