Nuclear ral khamnak ding caah cun North Korea hruaitu Kim Jong-un hi na thah hrimhrim a hau. Kim na hloh hlan chung poah cu nuclear raltuknak tlangpar ah kan um lengmang ko lai tiah Presdent Trump ruahnak an pek than.
President Trump ruahnak an pek hi atu lawng a si lo. Tuan deuh ah North Korea ambassador a zaami zong nih North Korea nuclear khamnak ding ahcun Kim Jong-un hloh a hau a rak ti cang. Ningani zong ah Kim Jong-un nih a voikhuanak missile a hneksak than.
US coza upa lung a dong tuk cang. Hi tluk in kan aukuanh ko buin zeihmanh a rel lomi hi cu lam dang a um ti lo. Kim Jong-un hloh lawng hi a tang cang an ti. US Ohio State uktu John Kasich nih a chimmi cu 'North Korea hruaitu hi a kal hau cang.
Kan tuah khawh dingmi a um ko. Sungthoh tha kan herh i information tha kan herh. A ran khawh chung rang in riantuan kan hau' a ti. Bom in kan kah hna ahcun kan i palh ko lai tiah a chim chih. Minung zong an thi lai i, buainak a ser chin lengmang tiah a chim.
Foreign policy expert Michael O'Hanlon nih cun 'Kim Jong-un thah hi a fawi lai lo a ti. Kan tlolh sual cicet ahcun zeidah a tuah lai timi hi chim chung khawh a si tiah ralrinnak a chim. A chim thanmi cu 'Kim umnak hi tam deuh cu kan thei lo. Kan hlawhtlinnak ding a har ko' tiah a chim. Ref: The Express.