US nih North Korea thihpheihnak le hrocernak caah a thawng taktakmi a missile Minuteman III ICBM cu thaizing (April 26) ah a hneksak cang lai. California i Vandenberg Air Force Base ah chun suimilam 1:00 PM ah a hneksak lai.
Zeitluk in dah a thawn timi kan langhter lai. Aa tinhmi zong a nganh thiam lo timi zong kan langhter cang lai tiah ralkap upa pakhat Col John Moss nih a chim. A chim thanmi cu 'kan hneksak dingmi hi zeitluk in dah kan thazaang a thawn i, zeitluk in dah kan nuclear nih thil ti khawhnak a ngeih timi kan langhternak a si lai a ti.
Kan ram caah hlawhtlinnak a chuah pitu nu le pa hna kan i uanthlaar pi tuk hna. Kan hneksak dingmi missile tbk hna hi an theipar a si tiah a chim chih. North Korea he nuclear ral thawh an timh cuahmah lioah atu bantukin a hmual thawng tukmi missile hneksak an timh hi a si.
US raltuknak tilawng phurtu Carl Vinson le raltuknak tilawng phu hna cu Korea rili ah an um cang hna. USS Michigan nuclear phurtu raltuknak tilawng zong nih a rak tel pi cang hna. 'Submarine' tiah an auh i ti chung he ti cungah he duh poah in ti ah a tlong khomi a si.
625th Strategic Operations Squadron commande Col Deane Konowicz nih a chimmi cu 'kan hneksak dingmi Minuteman III ICBM hi American mipi theihternak zong a si lai i kan hawile theihternak zong a si lo, cun kan ral theihternak zong a si lai. Timh cia zong kan si i, zeitluk in dah a tihnun timi zong a langhter lai a ti. Ref: The Express.