Democratic upa senator Bernie Sanders le President Trump hi an ruahnak aa khat bal lo. A khat kho dingmi thil kong hmanh ah khin huatnak ruangah aa khat duh lo hrammi minung dang veve an si. Asinain North Korea kongah cun Sanders nih phundang ngai a chim.
Senator Bernie Sanders nih a chimmi cu 'President Trump nih North Korea rengh ding in Taluk hi a soilem taktak ko ahcun Trump thil tuah hi upat zong a tlak i, thil hmaan zong a tuah tinak a si ko' tiah CNN biahaltu sinah a chim.
'North Korea hi vawlei caah tihnung a si. North Korea missile le nuclear khamnak ding caah cun a herhmi poah kan tuah a hau. Taluk nih North Korea hi na sipuaizi nunter na duh ko ahcun na missile le nulcear program hi na pehzulh ti lai lo tiah a rengh awk a si' a ti.
Taluk nih aa zelh taktak ahcun North Korea chap rengh cu aa herh lo tuk ding a si. Norh Korea sipuaizi thawnnak le dernak cu Taluk cungah aa hngat. A meihol in Taluk ah a hmuhmi hi 80% leng a si i, zinaan hraan a pekmi zong a rengh ahcun Norh Korea cu zeng colh ding a si.
A chim thanmi cu 'Cucah Norh Korea tawh tlaitu cu Taluk a si ko. President Trump nih Taluk hi a tlaih thiam i North Korea a tlaihter thiam ahcun Trump thil ti a tha tinak a si lai' tiah Mr. Sanders nih a chim chih. Ref: CNN News.