2007 ah Russia nih nuclear bom si loin zaraan bom a ser i 'Father of All Boms' tiah min a sak. Russian ralkap nih 'nuclear bom ti lo cun bom lak ahcun a thawng cem a si. US Mother of All Boms naak in a let li in a thawng deuh an ti. Russia ralkap chimmi hi 'a hmaan ko lai' tiah tuaktan kho nih cun an chim.
'A hmaan ko lai tiah kan zumh' tiah aa din cangmi Col. Rick Francona nih a chim, Ralkap kongah tuaktak thiam a si. Russian hi hi bantuk thermobaric bom ser ahcun hmaifong an si ko. Lunghrinhnak ka ngei hna lo. An thil ti khawhnak chungah a ummi a si ko' a ti.
A report mi hi a hmaan ko ahcun FOAB hi nuclear bom a si lomi ahcun vawlei cungah a thawng bik bom a si ko lai' tiah a chim chih. A hmual thawn ning zong hi khuaruahhar a si an ti. A puahnak hmun paoh cu an ciam dih i khuvai ah an cang kho dih an ti. Asinain nuclear bantukin thurhnomhnak a chuahter lo.
2007 ah kan rak hneksak cang tiah Russia nih a chim. A thil ti khawhnak le a hmual ahcun Nuclear bom he tahchun khawh a si ko lai, asinain nuclear bom bantuk in thurhnomhnak a chuahter lo tiah Russian Armed Force ah deputy chief thing Alexander Rukshin nih a chim. An hneksak i a puah ahhin a hmual nih vawlei le pawngkam a hninhmi hi a rang i a thawng tuk an ti.
A zan zong a zaang i a rih ah hin 7,100 kg a rit. A puah i a hmual a kal khawh zat hi pe 984 hrawng a si. US nih an bom GBU-43/B MOAB hi 2003 ah an rak hneksak i, zeitluk in dah US a thawn cang timi a lang; asinain Russia nih a zuam colh i, Father of All Bom hi a ser colh. 2007 ah a hneksak ve.
Russia nih cun a bom hi a hneksakmi dah ti lo cu a hmang rih lo. US nih cun voikhat a hman cang. Afghanistan hmunkhur ISIS umnak ah a thlak i an kua le khur vialte a choihpiak dih hna. ISIS ralkap 90 leng an thi. Russia zong a thilin lai i, ISIS cungah maw, Syrian raltho cung dek ah a phomh ve men te lai. Ref: CNN News.