Ningani ah Israel Prime Minister Benjamin Netanyahu le US Secretary of Defense James Mattis tonnak an ngei. Mr Netanyahu nih President Trump cozah hruai ning le policy cungah thangthatnak le lunglawmhnak a chim. Trump cozah policy le hruai ning aa thlenmi nih Israel lung an ton ngai.
Iran an hmuh ning zong nih Israel lung an tlinter i naite i Syria an kahmi zong nih Israel lung an tlinter. Obama chan policy bantuk si ti loin American policy thlennak fiang tein kan theih khawh colh ko tiah PM Netanyahu nih Mattis he joint conference an ngeih lioah a chim.
Syria nan kahmi nih vawleicung ram lung a tlinter i kan pawngkam ram hna zong an i lawm. American policy thlennak a langhtertu zong a si i, American hruai ning lam aa thlennak a langhtertu zong a si tiah Netanyahu nih a chim chih.
Obama cozah hruainak in Iran nuclear program kongah hnatlaknak an rak tuahmi nih Israel le US a rak hlatter ngaingai hna. PM Netanyahu zong nih a doh i, President Trump nih a doh. Ningani i join conference an tuahnak ah Mattis nih a chimmi cu 'Isrel himnak kongh US fek tein kan dir zungzal ko' a ti.
A chim thanmi cu 'Iran a siah ramdang in a siah Israel caah ral a si poah cu kan kham dih hna lai tiah a chim chih. Israel President Reuven Rivlin he zong tonnak an ngei. Israel le Palestinian karlak buainak kong an ceih. Kap hnih karlak theihthiam lonak donghter khawh kan zuam lai an ti. Ref: TOI.