Kan hnu zarh ah cozah nih lothlo pawl kan dirhmun le konglam kan thei hna seh tiah Chinnagodangy Palanisamy, 65 nih a nungmi zu cu aa seh i sandah a piah. 'Cozah nih kan konglam an ruah lo i zeihmanh an kan tuahpiak lo ahcun zu kan ei lai' tiah a chim.
Tamil Nadu state hi a thangcho ngaimi an si nain an umnak khua cu mangtam nih a den lengmangmi a si. Kan cozah nih kan konglam thei cang hna tiah a hawile he Delhi ah sandah an rak piah. Kum khua in upa a si cangmi lothlo pawl caah pengsen zong kan tuahpiak hna seh, cun caan karlak bawmhnak zong kan tuahpiak hna seh tiah an duhnak an langhter.
A nungmi zu a seh lawng si loin a hawile nih minung lu ruh an i put fawn hna. Minung lu ruh an i putmi hna cu lothlo pawl lu ruh thing an si. Cheukhat nih a nungmi zu an i seh i cheukhat nih minung lu ruh cu an i put. An lu an i kongh i nu thilri an i hruk hna. An kut an i ah dih i thisen an luang. Taklawng tiang in lam cungah buainak an tuah.
Sandah an piahnak pawngah minung pakhat nih a ngawng ah hri in aa tem i thlai aa tim. Mei thattu nih an tlaih manh. Sandah an piah caan a sauh cang tikah cheukhat cu sizung ah an kal pi hna. Tamil Nadu ah hin 40% cu lothlawh in aa cawmmi an si. Ti a har, lo a vui tuk lo. Lothlo pawl cu harsatnak an tong lengmang.
Sandahpiahnak hmun tiah cozah nih an chiahmi Jantar mantar pawng ah tlam tete an i sak hna i an um. March thla in tlanglawng an i cit i Delhi ah an rak phan. An khua ah ti an harsatnak, an ram a rocarnak le nun ning a harsatnak an chim. Prime Minister Modi ton kan duh an ti i an sianh hna lo. Thatnak in ruahpiak an si ko lai tiah zumh a si. Ref: BBC News.