North Korea hruaitu 'Kim Jong-un hi ka zoh lengmang tikah zeidah ka tuahmi a si timi a theih ko lai tiah ka zumh' tiah US Department of Homeland Security Secretary John Kelly nih a chim. Ningakni missile a hneksak thaizing ah a chimmi a si.
CNN leiin Jake Tapper nih bia a hal i ' Kim Jong-un hi a kalsual tiah na ruat maw tiah a hal. Kelly nih a lehmi cu 'Kim Jong-un lungthin le ruahnak a ummi pakhat hi cu nawlngeihnak tlaih peng a duh timi a fiang. A nawlngeihnak hi fehter le thawnter chin lengmang tim seh law a dawh tiah a chim.
A chim thanmi cu 'Kim Jong-un lungput le ruahnak kongah a thei bik cu ka si lai lo. A hruh le a fim kong kan theih khawhnak ding ahcun thutter i lungthin tlamtlin lo leiah zohkhanh thiamnak a ngeimi nih zoh hna seh law an theih lai'' tiah a chim.
Secretary of State Rex Tillerson nih nilini ah a chimmi cu 'Kim Jong-un hi khuaruat kho a si ko tiah ka zumh. A sual ko lai, lainawng zong a si ko lai. Kan hmuh ning cun kalsual zong a si ko lai. Asinain a hrutmi cu a si lo' a ti. Presdent Trump nih cun 'Kim Jong-un hi khuaruat kho a si le si lo ka thei lo.
Khuaruat kho a si ko lai tiah ka zumh' tiah Reuters sinah a chim. North Korea hruaitu Kim Jong-un kong hi an ruat cio. Hi tluk in a hranmi hi zeidah a si hnga an ti. Hngakchia te ah an ruah fawn tikah a lungput le nawlngeihnak hi an ceih ngaimi pakhat a si. Ref: CNN News.