England bawlung chuih thiam thing David Beckkham nih Siangpahrang Arthur film aa zeihmi a chuak cang. Asinain belte in an ruah ning in US hna ahcun an movie man a tha lo. Film director Guy Ritchie nih a chimmi cu 'US ah cun kan ti tha lai lo' a ti.
Hlan chan England Siangpahrang minthang Arthur tuanbia hi chan ciam lo a si. Cauk zong in an chuah i film zong in an i zeih len cang. Atu hi David Beckham nih a thar in aa zeih thanmi a si.
Guardians Of The Galaxy Vol.2 he an chuah aa tong i US ah cun a tei ngai hna. American Market nih a langhter ning ahcun 'King Arthur: Lengend of The Sword nih £20 million naak tlawm lawng a hmuh lai a ti. Film tuahnak ah an dihmi hi £175 milion a si.
Hollywood Insider nih a chimmi cu 'David Beckham film kong hrimhrim hi US TV ah an chim lo' a ti. Cheukhat nih an chim ning ahcun 'zoh nuam lo tuk' an ti. An soisel ngai. Minthang bawlung chuih thiam pakhat Beckham film cu a lar i a man tuk ding a si nain US ahcun a tla ngai ko. Ref: The sun.