England i khua pakhat Essex County ah a ummi Dave Murphy, 54 nih zun a dinnak in nun ngandamnak a hmuhnak kong fianternak a tuah. Ni fatin in ka zun ka dinmi nih kan khing (thau) a ka zorter i, ka zun ka din hnu in ka ngandam deuh i a hlan vialte naak in atu hi ka fit deuh tuk cang a ti.
Fa pahnih ngei a si cangmi Dave nih a chim thanmi cu ka zun hi ka hmaiphiahnak zong ah ka hman i kan taksak nennoternak zong ah ka hman. Ka ngandam zong a thatter thluahmah i ka taksak zong a hninghno chin lengmang tiah a chim chih. Hnawmtam ah kan rak ruahmi hi a si lo. Ti naak in a thiang deuh a ti.
Kan din kaa ahcun ka celh lo i thingthei hang ka cawh i ka din tawn, asinain a tu cun a lawng zong in ka din cang ko. Ka rawl bantuk ah ka hman cang. Tangka hmannak zong tampi a khamh cang tiah a chim chih. Ka kum zong a ka noter chin lengmang. Kum upa ca hrimhrim ah a tha khun a ti.
A chim thanmi cu 'kan zun hi zeizong vialte caah damnak petu a rak si ko. Minung hi kan lungput le hmuh ning thlen hi a har tuk i a si. Kan lungput le hmuh ning thleng kho cio hna u sih law kan zun hi ding cio hna u sih law thatnak tampi a um timi kan theih cio ko lai tiah siaherh ngai in a chim. Ref: The Mirror.