Europe le US a phomh kho dingmi nuclear a hneksak deng cang tiah Iran zong theih a si. US National Intelligence Director Daniel Coats nih senate sinah Iran nuclear program kong a chim. Din loin US a khap ding in missile a ser lengmang ko ti a si.
Iran hi a nuclear phurtu ah misssile a hman lai. A space program hmang in a missile program a thanchoter chin lengmang tiah Senate upa hna hmaiah a chim. Mr Coats nih a chim thanmi cu Iran nih a space program hmang in a missile sernak lam hi a tawiter chin lengmang cang a ti.
Naite zong ah khan Straight of Hormuz ah a missile a fami high-speed torpedo a hneksak. US nih cun zatlang tilawng khualtlawnnak lam zong a si i, a biapimi hmun a si' tiah a chim.
US ralkap upa nih cun 'Iran hneksaknak nih International phung a buar lo nain thinhunnak chuahter duh he aa khat an ti. North Korea kong zong ah an buai cuahmah lio a si. Iran nih atu bantukin a thazaang a vun langhter pah tikah US nih a zoh ning hna a tha chin lengmang.
Tu chun zarhpini zing zong ah North Korea nih International community ralchanh in a missile a hneksak than. Russia le Tuluk zong an lungrethei i, zeitin dah an lehrul te lai; President Trump nih cun fak chin lengmang in dan kan tat cang lai tiah a chim. Ref: The Express.