Tapung nih Khrihfami Bus an kah i minung 23 leng an thi i minung 25 leng an hliamh hna. Tihnung bik meithal kahnak pakhat a si lai tiah nawlngeitu nih an chim. Bus chungah a ummi hi minung 50 hrawng an si.
Khrihfami Bus a si i Egypt i Anba Samuel Khrihfami umnak inn ah kal aa timmi an si. Minya khua ah a si i, meithal pu pawl nih an kah hna. Easter Sunday ah an biakinn ah an rak puah hna i minung 46 an rak thi.
ISIS nih kanmah kan si tiah an phuan. Asinain tu chun Bus an kaptu cu an thei rih hna lo. US embassy nih US miphun hna cu ralrinnak an pek colh hna. Egypt Khrihfami hna hi fak tuk in an kah lengmangmi hna an si.
An kahnak ruang cu zeidang ruangah a si loin Khrihfa an si ruangah a si. ISIS nih hrocernak an rak chimmi cu 'Khrihfami kan kahnaknak kan thawnter chin lengmang lai.
Egypt ah Khrihfami kan thianh dih hna lai i, Khrihfami kan umter hna lai lo' tiah video in an rak chim. Manchester bompuahtu Salam Abedi zong kan minung, kan ralkap a si tiah ISIS nih an phuan. Ref: The Express.