US raltuknak tilawng Armada pi cu Taluk rili leiah an rak ra thluahmah. Hi rili hi Taluk le a innpa hna an i cuhmi a si, asinain Taluk uknak tangah a um rih. Thlang Taluk Rili (South China Sea) an timi a si i, Taluk nih a ralkap zong a chiah hna.
US raltuknak tilawng USS Dewey nih a rak neih thluahmah hna. Meng 12 hrawng te lawng aa hlat cang. Taluk leiin biachimtu pakhat nih cun 'US tilawng nih kan ramri phung a buar cang' tiah a chim.
Nilini zing ah Taluk Foreign Ministry spokesman Lu Kang nih US cu 'hi bantuk thinhunter hi hmang hlah u. Kan phung nan buar. A rannak in chuak colh u. Cu lo ahcun Taluk nawlngeihnak le himnak nan upat lo a si lai' tiah a chim.
US nih leiin an rak leh colh ve hna. International upadi tangah eksaisai kan tuahmi a si. Asia-Pacific hrawngah ni fatin in kan tuahmi a si. Thlang Taluk Rili zong ah cu thiamthiam a si ko' tiah US ralkap inn Pentagon eiin Jeff Davis nih a chim.
US raltuknak tilawng hi a vak ngai i Arab rili leiin Korea in Taluk rili tiang a rak phan i hnahnawhnak a vun chuahter pah lengmang. North Korea hrimhrim nih cun nan tilawng muihmuh hrim kan duh lo a ti. Ref: Ths Express.