Ukraine boxing thongh thiam Wladimir Klitschko cu Anthony Joshua nih mipi 90,000 hmaiah knockout in a tei. Boxing thongh thiam Mike Tyson nih cun Joshua hi 'boxing thongh thiam bik a si lai' tiah a thangthat colh. Anthony Joshua le Tyson Fury hi aa ngiar lengmangmi an rak si rua.
Ukraine pa a tei khawh cangka in IBF, WBA le IBO heavyweight siangpahrang Joshua nih ring cung in Fury cu a auh (challenge) colh. Tyson Fury nih a rak cohlan colh ve. Tu zarh ah khan Tyson Fury cu bia an hal i a lehmi hna cu 'Joshua cu fawi tuk in ka tei lai' a ti. An i tonghnak ding hmun zong an thim cang.
London i Wemley Stadium ah a si lai. Tyson Fury nih a chim thanmi cu 'boxing ka cawnpiak lai. A ka dawinak ah a ba lai. A ka thongh kip ah a kan nganh lengmang lai. A tantim donghnak ah kan donghter te lai' tiah a chim.
A peh thanmi cu 'fawi tein a thongh khawh, asinain kum 41 ka si lo. Kum 28 lawng ka si. Kan i thongh tikah cun kum 29 ka si cang lai. Fury nih 41 a chim duhmi cu naite i a teimi Ukraine pa a si. Kum vui April 18, 2018 ah an i thong lai. Anthony Joshua zong kum 28 a tling ve cang lai.
An thawn siling le an thancho cuahmah lio a si bantukin ahodah hmai a chuak te lai timi mipi nih an zoh lio hna a si. Voi hleikua aa thong cang i an tei rih lo. Voi hleikua ning tein knockouts in a phomh hna. "Joshua caah cun van khi a ri a si ko. Khuaruahhar minung pakhat a si a ti' tiah tiah Mike Tyson nih cun a ti.Ref: The sun.