Khual a tlawngmi minung pahnih an i tong i an i lo tuk. An hmaithlak zong aa lo i an khahmul zong aa lo i an taksa zawng tiang in aa lo. Neil Douglas cu vanlawng in aa cit i Stansted in Galway ah a zuang ding a si. A pawngah a rak thumi pa a zoh cu anmah bak a rak si.
A khuaruahhar tuk. An i dannak a um lo. Bia an i ruah i selfie zong an i thla ti. Vanlawng chungah a thumi midang zong an khuaruahhar tuk i an zoh dih hna. An hmanthlak cu social media ah an tar i a zoh tu zong an rak tam kho tuk.
Neil nupi a hawinu nih a tialmi cu 'orhlei kam ah a thumi hi ka hawinu pasal a si. Kehlei kam a thumi hi zahan zan vanlawng aa citnak i a hmuhmi a hawipa a si' tiah a tial. 'Zoh loin ka um kho hna lo. Ka zoh leklek hna. Minung pakhat an si ko' tiah a tial chih.
An hmai, an sam, an taksa le zeizong te aa lo dih. Asinain unau an si fawn lo. Aa thei balmi zong an rak si lo. A khuaruahhar lomi an um lo. Asinain an i dannak cu a niam deuh le a sang deuh an um.
Neil nih a chimmi cu 'nizan ah a cangmi a si. Galway ah ka zuang i nihchuak ngai a simi cu ka thutnak kam ah a rak thu. 'Hey, brother, tiah ka auh i kan i zoh cu kan i lo tuk. Bia kan i ruah kan i capo i hmaan kan i thla ti' tiah a chim. Ref: The sun.