FBI Director James Comey rian ka phuahmi nih kan rian a ka zanter deuh ngaingai cang tiah Russian hruaitu upa hna pahnih hmaiah President Trump nih a chim tiah New York Times nih ningani ah a tial.
'FBI hruaitu rian ka phuah. A molh tuk' tiah Trump nih Russian cu nihchuak ngai le phorhlaw ngaiin a chimh hna tiah a tial chih.
'Russia ruangah mipi leiin kan thil an ka rihter tuk. 'Ka hlonh cang' tiah Russian foreign minister Sergei le ambassador Sergey hmaiah a chim. FBI Director James Comey rian a phuah thaizing ah tonnak an ngei. Russian lei zong nih capo an seih len ve.
Inn Raang press secretary Saen Spicer nih a chimmi cu 'FBI Director James Comey riantuan nih Trump riantuannak hna a hnawh tuk. A herh lo tiang in Russia hlathlainak kha ramkhel he a cawhpiak lengmang. Mah ruangah Russia he biaruah a kan harter tuk' tiah a chim.
A chim thanmi cu 'Syria kong a siah Ukraine kong a siah ISIS kong a siah Russia he riantuan ti ding in Trump nih a chim lengmang. Asinain a karlak ah Comey nih a rak hlat lengmang hna tikah Russia he cawlcanghnak a donh ngai rua. Trump a si vang tuk cang i a phuahmi a si' a ti. Ref: CNN News.